Leverkuzenning "Bayer" klubi hujumchisi Serdar Azmun Rossiya terma jamoasiga qarshi bo‘lib o‘tadigan o‘rtoqlik uchrashuvida Eron terma jamoasiga yordam bermaydi. Bu haqda ISNA nashri xabar bermoqda.
Manba bergan xabarga ko‘ra, 28 yoshli hujumchi murabbiylar shtabiga uni mart oyidagi yig‘inga chaqiruvdan ozod qilinishi iltimosi bilan murojaat qilgan. Futbolchi buni oilaviy sharoiti bilan bog‘ladi.
Eslatib o‘tamiz, Eron - Rossiya uchrashuvi 23 mart kuni Tehronda bo‘lib o‘tadi.
Azmun joriy mavsumda “Bayer” tarkibida barcha turnirlar doirasida 20 ta o‘yinda maydonga tushib, 2 ta gol va 3 ta golli uzatmaga mualliflik qilgan.