Леверкузеннинг "Байер" клуби ҳужумчиси Сердар Азмун Россия терма жамоасига қарши бўлиб ўтадиган ўртоқлик учрашувида Эрон терма жамоасига ёрдам бермайди. Бу ҳақда ISNA нашри хабар бермоқда.
Манба берган хабарга кўра, 28 ёшли ҳужумчи мураббийлар штабига уни март ойидаги йиғинга чақирувдан озод қилиниши илтимоси билан мурожаат қилган. Футболчи буни оилавий шароити билан боғлади.
Эслатиб ўтамиз, Эрон - Россия учрашуви 23 март куни Теҳронда бўлиб ўтади.
Азмун жорий мавсумда “Байер” таркибида барча турнирлар доирасида 20 та ўйинда майдонга тушиб, 2 та гол ва 3 та голли узатмага муаллифлик қилган.