Erling Xoland Angliya kubogi doirasida "Byornli"ga qarshi o‘yinda xet-trik qayd etdi va uchrashuv haqida o‘z fikrlarini bildirib o‘tdi. Bu “Manchester Siti” forvardining mavsumdagi oltinchi xet-trikidir. Xoland oxirgi 2 o‘yinda 8 ta gol urdi.

"Oxirgi ikki o‘yin yaxshi o‘tdi. Bu muhim o‘yinlar edi. Xalqaro o‘yinlar uchun tanaffus oldidan 7:0 va 6:0 — bu ajoyib. Men juda baxtliman. Har bir gol men uchun katta ahamiyatga ega. Jamoa uchun urilgan har bir gol katta ahamiyatga ega. 6:0 hisobidagi g‘alaba ajoyib, Shuning uchun men juda xursandman. Endi bizni “Uembli”dagi o‘yin kutmoqda. Men hujumchiman va gol urishni yaxshi ko‘raman! Lekin bor e’tiborimni nafaqat ularga, balki imkoniyatlar yaratishga ham qaratganman. Qachonki imkoniyatlar bo‘lsa, mening gol urish imkoniyatim ham yuqori bo‘ladi", - dedi Xoland.