Эрлинг Холанд Англия кубоги доирасида "Бёрнли"га қарши ўйинда хет-трик қайд этди ва учрашув ҳақида ўз фикрларини билдириб ўтди. Бу “Манчестер Сити” форвардининг мавсумдаги олтинчи хет-трикидир. Холанд охирги 2 ўйинда 8 та гол урди.
"Охирги икки ўйин яхши ўтди. Бу муҳим ўйинлар эди. Халқаро ўйинлар учун танаффус олдидан 7:0 ва 6:0 — бу ажойиб. Мен жуда бахтлиман. Ҳар бир гол мен учун катта аҳамиятга эга. Жамоа учун урилган ҳар бир гол катта аҳамиятга эга. 6:0 ҳисобидаги ғалаба ажойиб, Шунинг учун мен жуда хурсандман. Энди бизни “Уэмбли”даги ўйин кутмоқда. Мен ҳужумчиман ва гол уришни яхши кўраман! Лекин бор эътиборимни нафақат уларга, балки имкониятлар яратишга ҳам қаратганман. Қачонки имкониятлар бўлса, менинг гол уриш имкониятим ҳам юқори бўлади", - деди Холанд.
