"Fiorentina" yarim himoyachisi Sofyan Amrabat yozda Angliyaga ko‘chib o‘tishi mumkin. Calciomercato o‘z sahifalarida xabar berishicha, 26 yoshli marokashlik futbolchiga "Tottenxem" qiziqish bildirmoqda.
Sofyan Amrabat 2022 yilgi jahon chempionatidagi sifatli o‘yinlari bilan ko‘plab klublar e’tiborini tortdi va Marokash terma jamoasi to‘rtinchi o‘rinni egalladi. Ko‘pchilik Amrabat qishda klubini o‘zgartirishini kutgandi, ammo u "Fiorentina"da qoldi.
Qayd etish kerakki, Transfermarkt portali ekspertlari Amrabatni 25 million yevroga baholamoqda.
Yarim himoyachi 2020 yilning yozidan buyon “Fiorentina”da o‘ynamoqda.