«Arsenal»ning yosh yulduzi Bukayo Saka bu mavsumda Premyer-ligada kamida 10 gol urib, 10 golga assistentlik qilgan birinchi futbolchi bo‘ldi.

Eslatib o‘tamiz, bugun tunda «kanonirlar» Premyer-ligada inqirozga uchragan «Kristal Pelas» ustidan yirik hisobda g‘alaba qozonishdi – 4:1.

O‘yinda Saka ikkita gol va bitta golli uzatmani amalga oshirdi. Umuman olganda, yosh angliyalik bu mavsumda 13 ta gol va 10 ta golli uzatmaga ega bo‘ldi.

E’tiborlisi, bugungi muvaffaqiyatdan so‘ng «kanonirlar» APL turnir jadvalida «Manchester Siti»dan 8 ochkoga ilgarilab ketdi, ammo «shaharliklar»ning oldida bir o‘yin bor.