«Арсенал»нинг ёш юлдузи Букайо Сака бу мавсумда Премьер-лигада камида 10 гол уриб, 10 голга ассистентлик қилган биринчи футболчи бўлди.

Эслатиб ўтамиз, бугун тунда «канонирлар» Премьер-лигада инқирозга учраган «Кристал Пэлас» устидан йирик ҳисобда ғалаба қозонишди – 4:1.

Ўйинда Сака иккита гол ва битта голли узатмани амалга оширди. Умуман олганда, ёш англиялик бу мавсумда 13 та гол ва 10 та голли узатмага эга бўлди.

Эътиборлиси, бугунги муваффақиятдан сўнг «канонирлар» АПЛ турнир жадвалида «Манчестер Сити»дан 8 очкога илгарилаб кетди, аммо «шаҳарликлар»нинг олдида бир ўйин бор.