Kataloniyaning “Barselona” klubining sobiq futbolchisi Jerar Pike “ko‘k-anorranglilar”ning hakamlarga pora berishdagi ayblovlariga munosabat bildirdi.
"Buning hozirgi jamoaga aloqasi yo‘q. Shaxsan men hech qachon hakamlardan hisobot so‘ramaganman, shuning uchun hammasi qayerdan kelganini bilmayman. Biz hech narsa olmadik va bermadik. Ushbu mavzu syujetlar va gazeta muqovalari uchun mo‘ljallangan. Butun mamlakat hozir shu mavzuda yashamoqda”, - dedi Pike.
Avvalroq, agar klubning aybi isbotlansa, "Barselona" La Ligadan chetlatilishi mumkinligi haqida xabar berilgandi.
Kataloniya klubi bu mavsumda chempionatda ishonchli tarzda peshqadamlik qilmoqda va "Real"dan 12 ochkoga o‘zib ketgan.
