"Liverpul" Dortmundning "Borussiya"sidan Jud Bellingemni transfer qilish imkoniyatiga tobora ishonchi so‘nib bormoqda. Jurnalist Devid Ornshteynning so‘zlariga ko‘ra, endilikda “qizillar”ning 19 yoshli ingliz futbolchisi bilan shartnoma imzolash imkoniyati juda past.
Shu tariqa, “Real” va “Manchester Siti” Bellingemning transferi uchun ikki asosiy da’vogar bo‘lib qolmoqda. Shu bilan birga, jamoalar yarim himoyachi uchun zarur bo‘lgan 150 million yevroni to‘lamoqchi emas.
Eslatib o‘tamiz, "Liverpul" kelasi mavsumda Chempionlar ligasiga chiqmaslik xavfi ostida turibdi. Jamoa kuchli to‘rtlikdan yetti ochko ortda qolmoqda.
