"Ливерпуль" Дортмунднинг "Боруссия"сидан Жуд Беллингемни трансфер қилиш имкониятига тобора ишончи сўниб бормоқда. Журналист Девид Орнштейннинг сўзларига кўра, эндиликда “қизиллар”нинг 19 ёшли инглиз футболчиси билан шартнома имзолаш имконияти жуда паст.
Шу тариқа, “Реал” ва “Манчестер Сити” Беллингемнинг трансфери учун икки асосий даъвогар бўлиб қолмоқда. Шу билан бирга, жамоалар ярим ҳимоячи учун зарур бўлган 150 миллион еврони тўламоқчи эмас.
Эслатиб ўтамиз, "Ливерпуль" келаси мавсумда Чемпионлар лигасига чиқмаслик хавфи остида турибди. Жамоа кучли тўртликдан етти очко ортда қолмоқда.
