Dortmundning "Borussiya" klubi va Angliya terma jamoasi yarim himoyachisi Jud Bellingem faoliyatini "Real" yoki "Manchester Siti"da davom ettiradi, deb xabar beradi The Athletic.
Nashrning yozishicha, "Liverpul" futbolchi uchun kurashni tark etgan, chunki ular raqiblar bilan moliyaviy jihatdan raqobatlashishga tayyor emas.
"Liverpul" "Chelsi" yarim himoyachisi Meyson Mauntni sotib olishga e’tibor qaratmoqchi.
19 yoshli Bellingem joriy mavsumda Dortmundning “Borussiya” klubi safida 34 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Transfermarkt portaliga ko‘ra futbolchining narxi 110 million yevroga baholanmoqda.
24 yoshli Maunt “Chelsi” safida 32 ta o‘yinda maydonga tushib, 3 ta gol urdi va 6 ta golli uzatmani amalga oshirdi. Transfermarkt ma’lumotlariga ko‘ra, uning narxi 65 million yevroga baholanmoqda.
