Дортмунднинг "Боруссия" клуби ва Англия терма жамоаси ярим ҳимоячиси Жуд Беллингем фаолиятини "Реал" ёки "Манчестер Сити"да давом эттиради, деб хабар беради The Athletic.

Нашрнинг ёзишича, "Ливерпуль" футболчи учун курашни тарк этган, чунки улар рақиблар билан молиявий жиҳатдан рақобатлашишга тайёр эмас.

"Ливерпуль" "Челси" ярим ҳимоячиси Мэйсон Маунтни сотиб олишга эътибор қаратмоқчи.

19 ёшли Беллингем жорий мавсумда Дортмунднинг “Боруссия” клуби сафида 34 та ўйинда майдонга тушиб, 10 та гол урди ва 6 та голли узатмани амалга оширди. Transfermarkt порталига кўра футболчининг нархи 110 миллион еврога баҳоланмоқда.

24 ёшли Маунт “Челси” сафида 32 та ўйинда майдонга тушиб, 3 та гол урди ва 6 та голли узатмани амалга оширди. Transfermarkt маълумотларига кўра, унинг нархи 65 миллион еврога баҳоланмоқда.