Foot Mercato xabariga ko‘ra, parijliklar o‘tgan qishda «Zenit» hujumchisi Malkomga qiziqish bildirgan va tomonlar kelishuvga erisha olmagan bo‘lsada, parijliklarning braziliyalik bilan aloqalari uzilmagan.

Nashrning yozishicha, yanvar oyida Malkom hujumni kuchaytirish variantlarini qidirayotgan «PSJ»ga o‘tishga tayyor edi, biroq fransuzlar «Zenit»ning braziliyalikni yozda majburiy sotib olish sharti bilan ijaraga berish taklifiga rozi bo‘lmagan.

30-35 million yevro miqdoridagi ehtimoliy kelishuv orqali Parij klubi forvardning agentlari bilan muzokaralarni davom ettirmoqda.

Malkom yevrokuboklarda yana o‘ynash va Braziliya terma jamoasiga chaqiruv olish uchun manzarani o‘zgartirishga qarshi emas.

«Zenit» esa, o‘z navbatida, foydali moliyaviy taklif tushsa, to‘purarini qo‘yib yuborishga tayyor. O‘tgan qishdagidek, Sankt-Peterburg klubi bosslari kamida 30 million yevro olishni kutmoqda.