Italiya matbuoti «Inter» hamda «Yuventus» bahsidagi muhim lahzani qizg‘in muhokama qilishda davom etmoqda.

Mehmonlar 1:0 hisobida g‘alaba qozonishdi, Filip Kostich hal qiluvchi golga mualliflik qildi, ammo samarali hujum paytida Kostichning sherigi Adriyen Rabyo qo‘li bilan harakat qilgani aytildi.

Bu mavzu haqidagi xabarlar shu qadar kuchaydiki, hakam va VAR jamoasi o‘rtasidagi muzokaralar (epizod bo‘yicha qaror taxminan to‘rt daqiqa davom etdi) ommaga e’lon qilinishi mumkin, deb xabar beradi Sport Mediaset.

Nashrning yozishicha, A Seriyadagi hakamlarni o‘yinlarga tayinlash uchun mas’ul bo‘lgan Janluka Rokki maydondagi hakam Daniyele Chiffi va uning monitordagi yordamchisi Paolo Mazzoleni tomonidan qabul qilingan qarorni jiddiy xato deb hisoblamaydi, biroq u bu o‘yinda brigada ishining umumiy sifatidan hafsalasi pir bo‘ldi.

Ehtiroslar shiddatini kamaytirish uchun Rokki Kiffi va Mazzoleni o‘rtasidagi suhbatning audioyozuvini nashr etishni ko‘rib chiqmoqda.

E’tiborlisi, uchrashuvning kulminasion nuqtasi har bir jamoadan bittadan futbolchining chetlatilishi bo‘ldi.

Uch ochko jamg‘argan «Yuventus» turnir jadvalida yettinchi o‘rinni saqlab qoldi, «Inter» uchinchi o‘ringa tushib ketdi.