Turinning “Yuventus” klubi fransiyalik yarim himoyachi Adriyen Rabyo bilan shartnomani uzaytirmoqchi, deya xabar beradi La Gazette Dello Sport.

Manbaning xabariga ko‘ra, italyan klubi futbolchining maoshini yiliga 10 million yevrogacha, qo‘shimcha bonuslar bilan oshirmoqchi. Hozirda yarim himoyachi yiliga yetti million yevro oladi. Biroq fransiyalik futbolchi “Yuventus” Chempionlar ligasiga yo‘l olsagina qolishga tayyor va hozirda klub 4-o‘rindan 7 ochko ortda qolmoqda. Avvalroq futbolchiga ingliz klublari qiziqish bildirayotgani haqida xabar berilgandi.

27 yoshli Rabyo joriy mavsumda “Yuventus” safida barcha turnirlar doirasida 33 ta o‘yinda maydonga tushib, 9 ta gol urdi va 4 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.