Iroq terma jamoasi Rossiya bilan o‘yin oldidan Sochidagi yig‘inni bekor qildi. Jamoalar 26 mart kuni Sankt-Peterburgda o‘rtoqlik uchrashuvi o‘tkazishi kerak.
Iroq futbol federasiyasi Feysbukda mamlakat terma jamoasi Bag‘dodda o‘quv-mashg‘ulot yig‘ini o‘tkazayotgani, Sochidagi yig‘in bekor qilinganidan keyin u juma kuniga qadar davom etishi haqida ma’lum qildi.
«RFI o‘yinni tashkil qilish uchun mezbon tomonning mas’uliyati bo‘lgan barcha tadbirlarni amalga oshirishga tayyor.
Sochidagi o‘quv-mashg‘ulot yig‘iniga kelsak, bu variant muhokama qilindi, Iroq jamoasining iltimosiga ko‘ra, biz ushbu maqsadlar uchun Masestadagi bazani berishga tayyor edik, ammo Iroq jamoasi rejalardagi o‘zgarishlar haqida bizga xabar berdi.
Ayni damda tomonlar bo‘lajak o‘rtoqlik o‘yini tafsilotlari bo‘yicha kelishib olishmoqda», — deyiladi RFI matbuot xizmatidagi xabarda.
