"Barselona" va Braziliya terma jamoasining sobiq himoyachisi Dani Alves qamoqdan rafiqasi Joana Sansga xat yozdi.

Alves 12 yilga ozodlikdan mahrum etilishi mumkin. Futbolchi yanvar oyidan beri qamoqda. U ko‘rsatmasini 4 marta o‘zgartirdi.

Sans avvalroq futbolchi bilan ajrashish uchun ariza bergan va zo‘rlash ishi bo‘yicha hibsga olingan 39 yoshli braziliyalikga emosional ochiq xat e’lon qilgan.

Alves unga ta’sirchan shaxsiy maktub bilan javob qaytardi va u ispan OAVlarida paydo bo‘ldi.

"Azizim Joanna. Bu deyarli sakkiz yil buyuk sevgi, mehr, hurmat va o‘zaro g‘amxo‘rlik edi. So‘nggi bir necha yil ichida narsalar osonroq va yoqimliroq bo‘ldi. Siz va mening bolalarim Dani Filyu va Viktoriya hayotimdagi eng qimmatli narsa edingiz.

Biz tanishgan kundan boshlab birga o‘sdik. Birinchi daqiqadan boshlab biz birga hayot boshladik. Shu yillar davomida bir-birimizga hamroh bo‘lib, bir-birimizni mustahkamlab, erkalab keldik. Endi, mana shunday og‘ir damlarda men sizning qaroringizdan afsusdaman va hayot bizga qachon yana bir imkoniyat berishini intiqlik bilan kutaman.

Men adolatsiz vaziyat keltirib chiqaradigan og‘riqni tushunaman va siz bu bosimga dosh bera olmaganingizni tushunaman. Meni ayblayotgan faktlar menga begona va hayotda meni boshqaradigan qadriyatlar: sevgi, hurmat va mehnatsevarlik.

Men har doimgidek o‘zimga ishongan holda, mening kimligimni biladiganlarning qo‘llab-quvvatlashi va ishonchi bilan kurashishda davom etaman. Tez orada butun dunyoga begunohligimni isbotlash uchun farzandlarimga, ota-onamga va yonimda bo‘lganlarga cheksiz muhabbat bilan oxirigacha kurashaman" - deb maktub yo‘lladi Alves.