Myunxenning “Bavariya” klubi darvozaboni Yann Zommer asosiy darvozabon Manuel Noyer qaytganidan keyin uning jamoadagi kelajagi qanday rivojlanishi haqida hali o‘ylab ko‘rmadi.
"Noyerning qaytishi kelajagimga qanday ta’sir qiladi? Men bu haqda o‘ylamaslikka harakat qilaman. Bor e’tiborimni mavsumning qolgan qismiga qaratganman", - deya Zommerning so‘zlarini keltiradi Bayern & Germany.
Yanvar oyida Zommer "Bavariya"ga 11 million yevroga tushdi. 34 yoshli shveysariyalik futbolchi mavsum oralig‘ida "Manchester Yunayted"ga o‘tish imkoniyatiga ham ega edi.
