Tajribali himoyachi Jordi Alba joriy mavsum oxirida "Barselona"ni tark etishi mumkin. Sport.es jurnalistlarining yozishicha, kataloniyaliklardagi moliyaviy qiyinchiliklar bu transferga sabab bo‘ladi.
Manbaning qayd etishicha, Alba jamoadagi eng ko‘p maosh oluvchi futbolchilardan biri hisoblanadi. Uning kataloniyaliklar bilan amaldagi shartnomasi kelasi yozda yakuniga yetadi.
34 yoshli futbolchi 2012 yilning yozidan beri "Barselona"ni himoya qilib kelmoqda. Uning transfer narxi 5 million yevro.
Jordi joriy mavsumda La Ligada 16 ta o‘yinda maydonga tushib, 1 ta gol urdi va 3 ta golli uzatmani amalga oshirdi.
