Тажрибали ҳимоячи Жорди Альба жорий мавсум охирида "Барселона"ни тарк этиши мумкин. Sport.es журналистларининг ёзишича, каталонияликлардаги молиявий қийинчиликлар бу трансферга сабаб бўлади.
Манбанинг қайд этишича, Альба жамоадаги энг кўп маош олувчи футболчилардан бири ҳисобланади. Унинг каталонияликлар билан амалдаги шартномаси келаси ёзда якунига етади.
34 ёшли футболчи 2012 йилнинг ёзидан бери "Барселона"ни ҳимоя қилиб келмоқда. Унинг трансфер нархи 5 миллион евро.
Жорди жорий мавсумда Ла Лигада 16 та ўйинда майдонга тушиб, 1 та гол урди ва 3 та голли узатмани амалга оширди.
