Yarim himoyachi Gabri Veyganing Ispaniyaning "Selta" klubi bilan shartnomasida qancha tovon puli ko‘rsatilgani ma’lum bo‘ldi. Diario AS xabariga ko‘ra, 20 yoshli yarim himoyachini kelasi yozda istalgan klub 40 million yevroga sotib olishi mumkin.
Eslatib o‘tamiz, Veyga "Real Madrid", shuningdek, Angliya Premyer-ligasining uchta klubi - "Liverpul", Londonning "Arsenal" va "Manchester Yunayted"ning transfer maqsadlaridan biri hisoblanadi.
Veyga Ispaniya chempionatining joriy mavsumida 9 ta gol va 2 ta golli uzatmani amalga oshirdi. Avvalroq yarim himoyachining o‘zi "Real"ga o‘tishni afzal ko‘rayotgani haqida xabarlar tarqalgan edi.