75 yoshli Roy Xojson Patrik Viyeyra ishdan bo‘shagach, "Kristal Pelas" bosh murabbiyiga aylangani rasman ma’lum bo‘ldi.
The Guardian nashri xabariga ko‘ra, tajribali angliyalik mutaxassisning tayinlanishi vaqtinchalik hodisa, chunki Xojson bilan joriy mavsum oxirigacha shartnoma imzolangan, shundan so‘ng "burgutlar"ni boshqa mutaxassis boshqarishi kerak bo‘ladi.
Manbaga ko‘ra, "Kristal Pelas" rahbariyati ayni damda asosiy jamoa bosh murabbiyi lavozimiga ikkita nomzodni ko‘rib chiqmoqda, ulardan biri yozda Londonda ish boshlashi mumkin.
Gap hozirda Fransiyaning "Lill" jamoasini boshqarayotgan Paul Fonseka hamda o‘tgan yilning may oyida "Borussiya" (M)dan iste’foga chiqarligan Ada Gyutter haqida ketmoqda.
