"Napoli" vingeri Xvicha Kvarasxeliya yozgi transfer oynasida jamoasini o‘zgartira olmaydi.

Gruziyalik futbolchiga bo‘lgan qiziqish o‘sishda davom etmoqda va "Real Madrid" uni qo‘lga kiritish uchun asosiy favorit hisoblanmoqda, mish-mishlarga ko‘ra, transfer shu yilning yozida amalga oshishi mumkin. Ammo jurnalist Daniele Longoning so‘zlariga ko‘ra, “Napoli” Kvarasxeliya bo‘yicha takliflarni ko‘rib chiqishni rejalashtirmayapti. Klub 22 yoshli futbolchi bilan yaxshilangan shartlar asosida shartnomani uzaytirish ustida ish boshlagan.

Transfermarkt Xvicha Kvarasxeliyaning transfer narxini 85 million yevroga baholamoqda. Joriy mavsumda futbolchi “Napoli” safida 30 ta o‘yinda maydonga tushib, 14 ta gol urdi va 16 ta golli uzatmani amalga oshirdi.