O‘zbekiston futbol assosiasiyasi birinchi vise-prezidenti rus matbuotiga bergan intervyusida Rossiya terma jamoasining Markaziy Osiyo futbol assosiasiyasi (CAFA) chempionatida ishtirok etishiga o‘z munosabatini bildirib o‘tdi.

«Birinchidan, CAFA milliy terma jamoalar o‘rtasida ilk chempionatni o‘tkazishdan manfaatdor.

Ikkinchidan, agar tarixga qaraydigan bo‘lsak, Rossiyaning «Spartak», «Zenit», «Dinamo», «Torpedo» kabi klublari «Paxtakor», «Pomir» va Markaziy Osiyoning boshqa jamoalari bilan o‘yinlarda ishtirok etishgan. Bu esa muxlislar o‘rtasida katta qiziqishga sabab bo‘lgan. Albatta, agar Rossiya turnirda ishtirok etsa, shubhasiz, ishqibozlar o‘rtasidagi turnirga bo‘lgan qiziqishni ortadi. Chunki Rossiya nafaqat Yevropada, balki jahonda ham o‘z o‘rniga ega bo‘lgan hisoblanadi. Shu bois, bu qiziqarli bo‘ladi», — dedi Ravshan Ermatov.

Ma’lumot o‘rnida. Milliy terma jamoalar o‘rtasidagi Markaziy Osiyo Futbol Assosiasiyasi (CAFA) turniri 9—21 iyun kunlari bo‘lib o‘tadi. Unda tashkilotga a’zo davlatlarning barchasi: O‘zbekiston, Tojikiston, Eron, Qirg‘iziston, Turkmaniston va Afg‘oniston ishtirok etadi. Shuningdek, Rossiya terma jamoasi mehmon sifatida taklif etilgan. So‘nggi, sakkizinchi terma jamoa nomi esa keyinroq ma’lum qilinadi.

Turnirda 8 ta jamoa ikki guruhga bo‘linib, ishtirok etadi. Guruhlarda birinchi o‘rinni egallagan jamoalar finalda to‘qnash keladi. Guruhda ikkinchi o‘rinni egallagan terma jamoalar esa uchinchi o‘rin uchun bahs olib boradi.