Himoyachi Milan Shkrinyar qishda "PSJ" bilan dastlabki shartnoma imzolagandi. Slovakiyalik futbolchi yozda "Inter"dan erkin agent sifatida Liga 1ning top-klubiga o‘tadi.
Todofichajes nashri xabariga ko‘ra, 28 yoshli Shkrinyar "PSJ" safida tibbiy ko‘rikdan o‘tish uchun mart oyidagi xalqaro o‘yinlardagi tanaffusdan unumli foydalangan. Qayd etilishicha, bu "Inter"ning noroziligiga sabab bo‘lgan, chunki hozirda slovakiyalik futbolchi "neradzurrilar" futbolchisi bo‘lib qolmoqda.
Milan Shkrinyar 2017 yilning yozidan buyon "Inter" safida o‘ynamoqda. O‘shandan beri slovakiyalik futbolchi jamoa safida 246 ta o‘yin o‘tkazib, 11 ta gol urgan va 5 ta golli uzatmani hamkorlariga bergan.