Madridning “Real” klubi yozgi transfer oynasida birdaniga “Napoli”ning ikki yetakchisini sotib olmoqchi, deb xabar beradi Calciomercato.
Manbaga ko‘ra, "Qirollik klubi" gruziyalik yarim himoyachi Xvicha Kvarasxeliya va nigeriyalik hujumchi Viktor Osimxenga qiziqish bildirmoqda. Biroq, o‘yinchilarni sotib olish qiyin bo‘ladi, chunki italiyaliklar ular uchun katta tovon puli talab qiladi.
Joriy mavsumda 22 yoshli Kvarasxeliya barcha turnirlarda 30 ta o‘yinda maydonga tushib, 14 ta gol urdi va 16 ta golli uzatmani amalga oshirdi. 24 yoshli Osimxen 29 uchrashuvda 25 gol va 5 golga assistentlik qilgan.