"Manchester Siti" hujumchi Erling Xolandning maoshini oshirishga tayyor. Bu haqda The Sun nashri xabar bermoqda.

Klub norvegiyalik hujumchiga 2028 yilgacha haftasiga 570 000 yevro maosh bilan shartnoma taklif qilib, uni Angliya Premyer-ligasining eng ko‘p maosh oluvchi futbolchisiga aylantirmoqchi.

Shu tariqa, klub futbolchini "Real"ga o‘tishiga to‘sqinlik qilib, o‘zida saqlab qolmoqchi. Xoland bilan amaldagi kelishuv 2027 yilgacha mo‘ljallangan. Unga ko‘ra, hujumchi haftasiga 427,5 ming yevro oladi.

Joriy mavsumda Xoland barcha turnirlarda 37 ta o‘yinda maydonga tushib, 42 ta gol va 5 ta golli uzatmani amalga oshirdi.