"Манчестер Сити" ҳужумчи Эрлинг Холанднинг маошини оширишга тайёр. Бу ҳақда The Sun нашри хабар бермоқда.

Клуб норвегиялик ҳужумчига 2028 йилгача ҳафтасига 570 000 евро маош билан шартнома таклиф қилиб, уни Англия Премьер-лигасининг энг кўп маош олувчи футболчисига айлантирмоқчи.

Шу тариқа, клуб футболчини "Реал"га ўтишига тўсқинлик қилиб, ўзида сақлаб қолмоқчи. Холанд билан амалдаги келишув 2027 йилгача мўлжалланган. Унга кўра, ҳужумчи ҳафтасига 427,5 минг евро олади.

Жорий мавсумда Холанд барча турнирларда 37 та ўйинда майдонга тушиб, 42 та гол ва 5 та голли узатмани амалга оширди.