"Yuventus" "Atalanta" va Daniya terma jamoasi hujumchisi Rasmus Xoylundga qiziqish bildirmoqda, deb xabar beradi Calciomercato.
Manbaga ko‘ra, Turin klubi yozgi transfer oynasida futbolchini sotib olishi mumkin. "Yuventus" tarkibida daniyalik ingliz klublari qiziqish bildirayotgan serbiyalik hujumchi Dushan Vlaxovichni almashtirishi mumkin.
Oldinroq Yevro-2024 saralash turnirining ikkita o‘yinida beshta gol urgan Xoylundga "Barselona" va "Milan" qiziqish bildirayotgani haqida xabar berilgandi.
20 yoshli Xoylund joriy mavsumda “Atalanta” safida barcha turnirlarda 33 ta o‘yinda maydonga tushib, 14 ta gol urdi va 5 ta golli uzatmani amalga oshirdi. Uning klub bilan shartnomasi 2027 yilning yoziga qadar mo‘ljallangan.