"Ювентус" "Аталанта" ва Дания терма жамоаси ҳужумчиси Расмус Хойлундга қизиқиш билдирмоқда, деб хабар беради Calciomercato.
Манбага кўра, Турин клуби ёзги трансфер ойнасида футболчини сотиб олиши мумкин. "Ювентус" таркибида даниялик инглиз клублари қизиқиш билдираётган сербиялик ҳужумчи Душан Влаховични алмаштириши мумкин.
Олдинроқ Евро-2024 саралаш турнирининг иккита ўйинида бешта гол урган Хойлундга "Барселона" ва "Милан" қизиқиш билдираётгани ҳақида хабар берилганди.
20 ёшли Хойлунд жорий мавсумда “Аталанта” сафида барча турнирларда 33 та ўйинда майдонга тушиб, 14 та гол урди ва 5 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.
