"Manchester Yunayted" "Benfika" va Portugaliya terma jamoasi hujumchisi Gonsalu Ramushga qiziqish bildirmoqda, deb xabar beradi Record.
Manbaning xabariga ko‘ra, ingliz klubi yozgi transfer oynasida futbolchini sotib olish variantini ko‘rib chiqmoqda. Hujumchining shartnomasidagi tovon puli 137 million yevroni tashkil qiladi.
21 yoshli Ramush joriy mavsumda “Benfika” safida barcha musobaqalarda 36 ta o‘yinda maydonga tushib, 24 ta gol urdi va 10 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.