"Манчестер Юнайтед" "Бенфика" ва Португалия терма жамоаси ҳужумчиси Гонсалу Рамушга қизиқиш билдирмоқда, деб хабар беради Record.
Манбанинг хабарига кўра, инглиз клуби ёзги трансфер ойнасида футболчини сотиб олиш вариантини кўриб чиқмоқда. Ҳужумчининг шартномасидаги товон пули 137 миллион еврони ташкил қилади.
21 ёшли Рамуш жорий мавсумда “Бенфика” сафида барча мусобақаларда 36 та ўйинда майдонга тушиб, 24 та гол урди ва 10 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.













