"Los-Anjeles Gelaksi" yarim himoyachisi Duglas Kosta "Gremio"ga qaytishi mumkin, deya xabar beradi Torsedores.
Manbaga ko‘ra, Braziliya klubi futbolchining qaytishidan manfaatdor, biroq buning uchun pul to‘lashga tayyor emas. Shu tariqa, braziliyalik futbolchi Amerika klubi bilan 2023 yilning 31 dekabriga qadar amal qiladigan shartnomani bekor qilgan taqdirdagina o‘tish mumkin bo‘ladi.
Eslatib o‘tamiz, Kosta 2021 yildayoq “Gremio”ga qaytgan, biroq oradan biroz vaqt o‘tib, janjal bilan klubni tark etgandi.
32 yoshli Kosta joriy mavsumda “Los-Anjeles Gelaksi” safida 29 ta o‘yinda maydonga tushib, 4 ta gol urdi va bitta golli uzatmani amalga oshirdi.