"Лос-Анжелес Гэлакси" ярим ҳимоячиси Дуглас Коста "Гремио"га қайтиши мумкин, дея хабар беради Torsedores.
Манбага кўра, Бразилия клуби футболчининг қайтишидан манфаатдор, бироқ бунинг учун пул тўлашга тайёр эмас. Шу тариқа, бразилиялик футболчи Америка клуби билан 2023 йилнинг 31 декабрига қадар амал қиладиган шартномани бекор қилган тақдирдагина ўтиш мумкин бўлади.
Эслатиб ўтамиз, Коста 2021 йилдаёқ “Гремио”га қайтган, бироқ орадан бироз вақт ўтиб, жанжал билан клубни тарк этганди.
32 ёшли Коста жорий мавсумда “Лос-Анжелес Гэлакси” сафида 29 та ўйинда майдонга тушиб, 4 та гол урди ва битта голли узатмани амалга оширди.
