Myonxengladbaxning "Borussiya" klubining fransiyalik yarim himoyachisi Manu Konega "PSJ", "Manchester Yunayted" va "Chelsi" klublari qiziqish bildirmoqda, deya xabar bermoqda jurnalist Fabrisio Romano o‘zining Twitter sahifasida.
Manbaning xabariga ko‘ra, Fransiya va Angliya klublari yozgi transfer oynasida futbolchini sotib olish variantini ko‘rib chiqmoqda. Nemislar futbolchini 50 million yevroga baholamoqda.
21 yoshli Kone joriy mavsumda “Borussiya” klubi safida 25 ta o‘yinda maydonga tushib, 1 ta gol va 1 ta golli uzatmani amalga oshirgan. Uning klub bilan shartnomasi 2025 yilning yoziga qadar mo‘ljallangan.