Мёнхенгладбахнинг "Боруссия" клубининг франциялик ярим ҳимоячиси Ману Конега "ПСЖ", "Манчестер Юнайтед" ва "Челси" клублари қизиқиш билдирмоқда, дея хабар бермоқда журналист Фабрицио Романо ўзининг Twitter саҳифасида.
Манбанинг хабарига кўра, Франция ва Англия клублари ёзги трансфер ойнасида футболчини сотиб олиш вариантини кўриб чиқмоқда. Немислар футболчини 50 миллион еврога баҳоламоқда.
21 ёшли Коне жорий мавсумда “Боруссия” клуби сафида 25 та ўйинда майдонга тушиб, 1 та гол ва 1 та голли узатмани амалга оширган. Унинг клуб билан шартномаси 2025 йилнинг ёзига қадар мўлжалланган.
