"Liverpul" yarim himoyachisi Tiago Alkantara "Manchester Siti" bilan safarda bo‘lib o‘tadigan Angliya Premyer-ligasining navbatdagi turigacha tiklanishga ulgurmaydi. Bu haqda jurnalist David Linch ijtimoiy tarmoqlarda xabar berdi.
E’tiborli tomoni, Alkantara jarohati tufayli so‘nggi haftalarni o‘tkazib yubordi. Futbolchi ayni damda jarohatdan tiklanishda davom etmoqda, biroq u aynan qachon maydonga qaytishi ma’lum emas.
Alkantaraning "Liverpul" bilan shartnomasi keyingi mavsum oxirigacha amal qiladi. Avvalroq, 31 yoshli yarim himoyachi kelasi yozda jamoasini tark etishi mumkinligi haqida xabarlar tarqalgan edi.
