"Ливерпуль" ярим ҳимоячиси Тиаго Алькантара "Манчестер Сити" билан сафарда бўлиб ўтадиган Англия Премьер-лигасининг навбатдаги туригача тикланишга улгурмайди. Бу ҳақда журналист Давид Линч ижтимоий тармоқларда хабар берди.

Эътиборли томони, Алькантара жароҳати туфайли сўнгги ҳафталарни ўтказиб юборди. Футболчи айни дамда жароҳатдан тикланишда давом этмоқда, бироқ у айнан қачон майдонга қайтиши маълум эмас.

Алькантаранинг "Ливерпуль" билан шартномаси кейинги мавсум охиригача амал қилади. Аввалроқ, 31 ёшли ярим ҳимоячи келаси ёзда жамоасини тарк этиши мумкинлиги ҳақида хабарлар тарқалган эди.