Transfermarkt futbolchilar narxlarini yangilashda davom etmoqda.

Bu gal nufuzli portal hali klubsiz qolgan jahon futbolidagi eng qimmat futbolchining narxi qancha ekanligini aniqladi.

«Real Madrid»ning sobiq yarim himoyachisi Isko ushbu ro‘yxatda peshqadamlik qiladi. 30 yoshli ispaniyalikning narxi portal tomonidan 5 million yevroga baholangan.

Eslatib o‘tamiz, Isko o‘tgan yilning oxiridan, ya’ni «Sevilya»ni tark etganidan beri klubsiz edi. O‘tgan qishda ispaniyalik futbolchi Bundesliganing eng kuchli klublaridan biri - Berlinning «Union» lageriga ko‘chib o‘tishi mumkin edi. Biroq transfer amalga oshmadi.

Faoliyati davomida Isko vatani Ispaniyada «Valensiya», «Malaga», «Real» va, albatta, «Sevilya» tarkibida o‘ynadi.