Transfermarkt футболчилар нархларини янгилашда давом этмоқда.
Бу гал нуфузли портал ҳали клубсиз қолган жаҳон футболидаги энг қиммат футболчининг нархи қанча эканлигини аниқлади.
«Реал Мадрид»нинг собиқ ярим ҳимоячиси Иско ушбу рўйхатда пешқадамлик қилади. 30 ёшли испанияликнинг нархи портал томонидан 5 миллион еврога баҳоланган.
Эслатиб ўтамиз, Иско ўтган йилнинг охиридан, яъни «Севилья»ни тарк этганидан бери клубсиз эди. Ўтган қишда испаниялик футболчи Бундеслиганинг энг кучли клубларидан бири - Берлиннинг «Унион» лагерига кўчиб ўтиши мумкин эди. Бироқ трансфер амалга ошмади.
Фаолияти давомида Иско ватани Испанияда «Валенсия», «Малага», «Реал» ва, албатта, «Севилья» таркибида ўйнади.