Yarim himoyachi Ilkay Gyundoganning kelajagi noma’lumligicha qolmoqda.

32 yoshli futbolchining «Manchester Siti» bilan amaldagi shartnomasi mavsum oxirida yakuniga yetadi va klub endi futbolchining kelajagi borasidagi qarorini kutmoqda.

Mish-mishlar Gyundoganni «Barselona» bilan bog‘lashda davom etmoqda. Ayni vaqtda futbolchiga boshqa klub qiziqish bildirmoqda. Bu haqda ijtimoiy tarmoqlarda nufuzli insayder Fabrisio Romano xabar berdi. Biroq klubning nomi oshkor etilmadi. 

Ilkay Gyundogan 2016 yilning yozidan buyon «Manchester Siti»da o‘ynab kelmoqda. O‘shandan beri yarim himoyachi barcha musobaqalarda 290 ta o‘yin o‘tkazib, 53 ta gol urdi va 37 ta golga assistentlik qildi.