Ярим ҳимоячи Илкай Гюндоганнинг келажаги номаълумлигича қолмоқда.
32 ёшли футболчининг «Манчестер Сити» билан амалдаги шартномаси мавсум охирида якунига етади ва клуб энди футболчининг келажаги борасидаги қарорини кутмоқда.
Миш-мишлар Гюндоганни «Барселона» билан боғлашда давом этмоқда. Айни вақтда футболчига бошқа клуб қизиқиш билдирмоқда. Бу ҳақда ижтимоий тармоқларда нуфузли инсайдер Фабрицио Романо хабар берди. Бироқ клубнинг номи ошкор этилмади.
Илкай Гюндоган 2016 йилнинг ёзидан буён «Манчестер Сити»да ўйнаб келмоқда. Ўшандан бери ярим ҳимоячи барча мусобақаларда 290 та ўйин ўтказиб, 53 та гол урди ва 37 та голга ассистентлик қилди.