Belgiya terma jamoasi bosh murabbiyi Domeniko Tedesko Germaniya terma jamoasiga qarshi o‘rtoqlik o‘yini oldidan fikr bildirdi.
«Men har doim g‘alaba qozonishni xohlayman, lekin nemislarga isbotlaydigan hech narsam yo‘q. Aslida murabbiy unchalik muhim figura emas, maydonda o‘zgarishlarni amalga oshiradigan futbolchilar hisoblanadi.
Germaniya terma jamoasi FIFA reytingida 14-o‘rinni egallab turganiga qaramay, kuchli bo‘lishda davom etmoqda.
Biz bu uchrashuvda g‘alaba qozonishni istaymiz», - dedi Tedesko matbuot anjumanida.
Bugun, 28 mart kuni Germaniya va Belgiya terma jamoalari o‘rtasidagi o‘rtoqlik uchrashuvi bo‘lib o‘tadi.
