"Ayntraxt" himoyachisi Evan Ndikaga "Liverpul" qiziqish bildirmoqda, deb xabar beradi Mirror.
23 yoshli fransiyalik futbolchi shu yozda “Ayntraxt” bilan shartnomasi tugagach, erkin agentga aylanadi. Oldinroq himoyachi "Barselona"ga da’vogarlik qilayotgani xabar qilingandi.
Joriy mavsumda Ndika klub safida barcha turnirlarda 35 ta o‘yinda maydonga tushib, bitta gol urgan va bitta golli uzatmani amalga oshirgan. Transfermarkt portali uning narxini 32 million yevroga baholamoqda.