"Айнтрахт" ҳимоячиси Эван Ндикага "Ливерпуль" қизиқиш билдирмоқда, деб хабар беради Mirror.
23 ёшли франциялик футболчи шу ёзда “Айнтрахт” билан шартномаси тугагач, эркин агентга айланади. Олдинроқ ҳимоячи "Барселона"га даъвогарлик қилаётгани хабар қилинганди.
Жорий мавсумда Ндика клуб сафида барча турнирларда 35 та ўйинда майдонга тушиб, битта гол урган ва битта голли узатмани амалга оширган. Transfermarkt портали унинг нархини 32 миллион еврога баҳоламоқда.