Sofyan Amrabat hamon Yevropa top-klublari uchun qiziq variant bo‘lib qolmoqda.
«Fiorentina» yarim himoyachisini sotib olish imkoniyatini «Atletiko» ko‘rib chiqmoqda, 26 yoshli Marokash terma jamoasi futbolchisining o‘zi esa La Ligaga o‘tishga qarshi emas, u «Barselona»ni orzu qiladi, deya xabar beradi Footmercato.
Manbaga ko‘ra, yanvar oyida kataloniyaliklar Amrabatni sotib olish sharti bilan ijaraga olmoqchi bo‘lgan, biroq binafshalar bunga rozi bo‘lishmagan.
«PSJ» ham bir necha hafta oldin yarim himoyachi so‘ragan, ammo Amrabat faoliyatini Liga 1da davom ettirishdan manfaatdor emas.
Qolaversa, qishda futbolchiga «Liverpul» va «Tottenxem» klublari qiziqish bildirgandi.
