«Barselona» vingeri Usmon Dembele Kataloniya klubidagi faoliyatini davom ettirmoqchi.
Fransiyalik futbolchining amaldagi shartnomasi keyingi mavsum yakunlangandan keyin tugaydi va shu yilning iyul oyidan boshlab 50 million yevro miqdoridagi tovon puli kuchga kiradi.
Muhim o‘yinchisini yo‘qotmaslik uchun «Barselona» tez orada shartnomani uzaytirmoqchi. Dembele allaqachon rahbariyatga og‘zaki rozilik bergan. Rasmiy muzokaralar klubdagi iqtisodiy vaziyat barqarorlashganidan so‘ng darhol boshlanadi.
Mish-mishlarga ko‘ra, Usmon Dembele Angliya premyer-ligasi va «Bavariya» vakillariga qiziq. Transfermarkt portali futbolchining narxini 60 million yevroga baholamoqda.
