«Барселона» вингери Усмон Дембеле Каталония клубидаги фаолиятини давом эттирмоқчи.
Франциялик футболчининг амалдаги шартномаси кейинги мавсум якунлангандан кейин тугайди ва шу йилнинг июль ойидан бошлаб 50 миллион евро миқдоридаги товон пули кучга киради.
Муҳим ўйинчисини йўқотмаслик учун «Барселона» тез орада шартномани узайтирмоқчи. Дембеле аллақачон раҳбариятга оғзаки розилик берган. Расмий музокаралар клубдаги иқтисодий вазият барқарорлашганидан сўнг дарҳол бошланади.
Миш-мишларга кўра, Усмон Дембеле Англия премьер-лигаси ва «Бавария» вакилларига қизиқ. Transfermarkt портали футболчининг нархини 60 миллион еврога баҳоламоқда.
