"Arsenal" bosh murabbiyi Mikel Arteta yarim himoyachi Bukayo Sakaning joriy mavsumdagi yutuqlarini yuqori baholadi. Eslatib o‘tamiz, 21 yoshli angliyalik futbolchi APLda 12 ta gol urdi va 8 ta golli uzatmani amalga oshirdi. Raqamlar bo‘yicha futbolchi faoliyatidagi eng yaxshi mavsumini o‘tkazmoqda.
“Saka o‘z yoshi uchun kamdan-kam barqarorlikni ko‘rsatmoqda. Bu haqiqatan ham juda kam uchraydi. Agar mendan u biror narsada yaxshiroq bo‘ladimi, deb so‘rasangiz, javobim shuki, Bukayo ancha yaxshilanishi mumkin. U hech qachon o‘zida mavjud bo‘lgan narsadan qoniqmaydi, unga har doim ko‘proq narsa kerak", - deya Arteta so‘zlaridan iqtibos keltiradi "Arsenal" rasmiy sayti.
