"Арсенал" бош мураббийи Микель Артета ярим ҳимоячи Букайо Саканинг жорий мавсумдаги ютуқларини юқори баҳолади. Эслатиб ўтамиз, 21 ёшли англиялик футболчи АПЛда 12 та гол урди ва 8 та голли узатмани амалга оширди. Рақамлар бўйича футболчи фаолиятидаги энг яхши мавсумини ўтказмоқда.

“Сака ўз ёши учун камдан-кам барқарорликни кўрсатмоқда. Бу ҳақиқатан ҳам жуда кам учрайди. Агар мендан у бирор нарсада яхшироқ бўладими, деб сўрасангиз, жавобим шуки, Букайо анча яхшиланиши мумкин. У ҳеч қачон ўзида мавжуд бўлган нарсадан қониқмайди, унга ҳар доим кўпроқ нарса керак", - дея Артета сўзларидан иқтибос келтиради "Арсенал" расмий сайти.